Pa di 38 aña Rotary Club of Aruba ta bai organisa e popular Fiesta Rotaria. Esaki lo tuma lugar ariba diadomingo 15 di april 2018 na e parking lot di Stadion Guillermo Trinidad. E miembronan di Rotary ta den full preparacion pa e dia aki.
Tur buki di rifa ta afor y cla pa benta. Manera pa basta aña caba na final di e Fiesta Rotaria ta saca e numbernan ganador pa e rifa. Tur aña tin premionan atractivo na unda pa solamente Afl. 25,- bo por gana un di e 12 tremendo premio nan. E bukinan di rifa ja ta obtenibel serca tur miembro di Rotary. E premio nan ta varia di un auto Suzuki Vitara pa un Smart TV y differente gift certificates.
Miembro nan di Rotary lo ta presente na Ling & Sons diabierna awor dia 16 di Maart di 5or pa 8or di atardi y tambe diasabra 17 di Maart di 9or mainta pa 1or di merdia pa bende rifa. Pasa cerca nos pa bo ta den wega pa gana un di e 12 premionan cu tin.
Presidente Gerardo Oduber ta commenta cu Fiesta Rotaria ta e evento di mas grandi di Rotary pa recauda fondo. E fondonan aki lo wordo reparti entre diferente fundacionan y organsacion den nos communidad. Kiermen cu cada di compra di un rifa abo ta aporta na nos comunidad.
Rotary Club of Aruba kier a gradici Ultimate Automobiles, Maduro Travel, KLM, AMC Unicon, Boolchands, Kooyman, CMB, Ling & Sons, Divi Resorts Aruba, Hagemeyer y Pearl Gems pa hasi e premionan di e rifa posibel.
