E proximo actividad di directiva di Centro di Bario Playa Pabao ta un anochi di Halloween combina cu un festival di disfraz. E actividad aki tin e tema di Halloween. E anochi aki, esta dia 28 di october, ta cuminsa pa 7:00 pm, unda e mucha y mayornan por inscribi pa festival di disfraz.
Pa 7:15 pm e festival di disfraz ta cuminsa. Lo tin premio tanto pa e mucha- y mayornan. Lo premia e miho costume, e miho make-up, e cuties costume, y e costume creativo. Tambe lo tin un show di baile y mangel pa tur mucha.
Pues, mayor esaki ta un bon oportunidad pa sali cu bo yiu(nan) y bin gosa di un anochi di show di disfraz cu e tema di Halloween y un show di baile na Centro di Bario Playa Pabao. Den bar y cushina lo tin refresco, popcorn y loke no por falta na nos Centro ta e hotdog. Pues nos ta topa diabierna na Centro di Bario Playa Pabao.
