Actualmente cuerpo di bombero ta trahando cu e prijs di proteccion di candela. Ta tene cuenta cu tin di e instalacionnan aki ta costoso. Doñonan di negoshi tin cu mantene nan mes na e reglanan. Si bo ta bay habri un negoshi, bo tin cu corda cu tin cu cuida e inversion. Nan tin nan prijs, pero bo mester pone den balans hunto cu inversion cu ta bezig ta hincando aden, wak cua lo bay salibo mas miho.
Si bo wak’e bon, si algo mester pasa, bay di biaha haci pregunta na brandweer, si e luga ta cumpli y si no, e in version por bay perdi.
Atencion
Brandweer ta bezig ta haya 5 hende cu ta yega cerca nan tur dia. A pidi nan pa haci afspraak, sino no ta logra sigui cu e trabaonan. Nan ta bin, unda cu nan ta haya conseho kico pa haci. Afdeling preventie no ta traha riba esey so, sino tambe ta bin riba conseho di departamentonan encarga cu revision di mapa di edificionan existente. Nan ta cambia nan, pakico ta usa nan. Ta usanan pa oficina y awo ta bay usanan pa dormitorio of ta usanan pa un universidad. Tin cu tene cuenta cu nan mester tin tur nan cosnan al dia, manera cu e mester ta, manera sprinkler system, cual ta hopi pica. El a cuminsa bira algo asina grandi, cu ta exigi riba luganan mas chikito internacional, cu nan ta cuminsa baha nan prijs internacionalmente, unda cu e luganan chikito tambe por cumpli cu esaki.
Satisfaccion
Ponson a splica cu e ta bayendo hopi bon pa e personal cu tin den e departamento di prevension. Ta haciendo hopi trabao. Ta bezig ta zorg pa tur esakinan, tambe pa e compleho di apartamentonan cu ta biniendo. Tambe ta papia cu nan y ta kortsluit e otro servicionan manera DOW, y DVG. Brandweer ta comunica cu otro, manteniendo otro riba un liña y trece siguridad pa e pueblo na prome luga.
