Famia a confirma cu nan a haya informacion for di Colombia cu a haya e curpa, sin bida, di Paulus (Pau) Martijn.
Team di 24ora.com tabata na Zeerovers, e luga unda hopi piscado di pariba ta reuni y eynan a bin haya informacion for di familiarnan, cu mas o menos un ora pasa, nan a haya e yamada cu nan no kier a ricibi: a haya un curpa na costa di Colombia y a confirma cu ta trata di Pau Martijn.
Mainta tempran un boto a sali rumbo pa Colombia despues di informacion cu a mira “algo” ta drief cerca di costa di Colombia y Venezuela. No ta conoci si e informacion aki tabata corecto. Y te na e momentonan aki no tin mucho informacion, unda a haya e curpa, ken a hay’e y con of kende a reconoce e curpa.
Na famia ta bay palabra di condolencia y hopi forsa.
