Tin un grupo grandi di plachi di motor cu no ta paga ainda. Ta trata di mas 41.000 plach’i number cu no ta paga sea completo of mita aña.
Un total di 34.183 plach’i number A no ta paga y sin lubida e grupo di plachinan di autonan di huur, plachinan T, plachinan TR, plachinan O, plachinan MFD y esunnan di autobus, asina ta yega na un total di 41.441 plach’i number cu falta pa paga ainda. E plach’i numbernan uza p’e sector turistico no tin nada paga ainda.
Tin cu cumpli cu e ley di paga impuesto. Esaki ta e ultimo siman di paga plach’i number, despues cu tur pasa paga laat lo tin di paga un boet.
