Durante dos dia largo e federacion di baseball Arubano, ABBA pa medio di un comision a hasi entrega di materiaalnan di baseball na e tur e clubnan di baseball na Aruba.
For di basta tempo caba e organisacion di baseball professional di Mayor League Baseball di Merca esta Baltimore Orioles a haci un donacion grandi di un container yena cu materiaal di baseball pero tambe panja, keds y sapato di baseball softball pa tur esnan cu ta praktica e deportenan aki na Aruba. Pa e motibo aki tambe e federacion di baseball ABBA a instala un comision cu ya pa varios luna ta prepara dicho materiaal pa entrega na e respective organisacionnan di baseball na Aruba.
Na banda di esey ABBA a organisa un grandioso Bazaar/Open House di baseball/softball pa henter e comunidad di baseball y softball diasabra ultimo den Aruba Entertainment Center na Dakota. E Open-House/Bazaar lo consisti di diferente articulo di baseball manera Cleats, Gloves, Batting Gloves, Cather’s equipment & Apparels (Used & Brand New). Cleats ta keda na cada mucha pa busca di nan gusto y completamente gratis. Hopi hende a pasa buska materiaal pa nan you(nan) pa asina por cuminsa na praktica e deportenan menciona.
Mester bisa cu Stichting Fundacion Lotto pa Deporte a yuda cubri e gastonan di sea freight shipping, aduana y inklaring di e container. Cu hopi honor & satisfacion grandi Lotto a yuda den e projecto aki na bienestar di Deporte specialmente e baseball & softball pa nos hubentud. Educacion & deporte ta e fundeshi pa un bon formacion di un ser humano. Hunto nos ta logra metanan na bienestar di interes general pa Deporte.
