Ex-Gobernador di Aruba, Olindo Koolman, awe a busca su di 13 auto di marca Toyota den su bida. E ta core un Toyota Crown Super Saloon di aña 2000 y awe a sali for di Garage Cordia Aruba cu su Rav4 Limited di aña 2020. Ambos auto ta di color blanco. E tabata compaña pa su señora, Dora Koolman y nan yiu, kendenan a ricibi yabi di nan auto nobo for di man di e Director di Garage Cordia Aruba, esta Hans Schnog.
Ta bon pa enfatisa cu famia Koolman ta clientenan fiel di Garage Cordia Aruba for di aña 1972 caba, e tempo ey cu un Toyota Corolla. Pues un berdadero amante fiel di Toyota pa 48 aña caba. Es mas, na momento cu Olindo Koolman a ocupa e puesto di Gobernador pa 12 aña largo, semper el a core den un Lexus, mientras cu den su tempo liber tambe el a core un Toyota. Pabien na famia Koolman cu nan auto nobo nobo.
