24ora.com tabata para dilanti di loke tabata consulado Venezolano, den Paardenbaaistraat. E luga aki, manera ta conoci pa añanan largo tabata e sitio unda e Venezolanonan tabata bin pa asina atende cu nan consulado riba asuntonan cu tin di haber cu nan pais.
El a bira un problema na momento cu a bandona e luga y a trece problema pa e area. E luga aki awor a bira un chollerhouse. Bo no por laga nada ni ningun edificio bashi. Ta un edificio cu tin su balor, pero cu awe poco poco lo bira un ruina y lo bay costa hopi placa, kisas despues pa e doñonan drech’e.
Den marduga di diadomingo, e luga tabata na candela. Pero mas den siman a haya yamada cu e luga aki ta un chollerhouse y tin hopi keho riba loke ta e adictonan ambulante cu ta move den e zona aki. E luga ta practicamente destrui.
