Cada stap cu nos dal den bida tin su conseuencia. Tin consecuencia bon y tin cu ta malo. Bida riba su mes ta un scol. Esun cu sa di scucha conseho di hende grandi lo yega leu. Un hoben ta papia di su conocemento pero un hende grandi ta papia di su experencia di bida. E conocemento di un grandi ta mas amplio cu esun di un hoben.
Nos ta bibando den un tempo cu e elitenan kier goberna henter mundo a base di agenda 2030. Nan agenda no a cuminsa for di awor y ta hopi bon hinca den otro. Si for di e cuminsamento nos por a sigui e stapnan nos por mira con structuralmente a implementa nan agenda. Esun cu no sigui nan agenda ta descredita y censura. Esaki ta tempo cu nos mester habri nos wowo y mira kico ta pasando mundialmente.
Aruba no ta keda afo di e agenda 2030 cu ta papia di e metanan di desaroyo sostenibel. Nos por mira cu for di 23 di september 2015 a cuminsa cu e supuesto desaroyo aki na Aruba. E metanan aki ta bay linea directo contra di e famia crea pa Dios. E plan diabolico aki ta pa kibra e famia y crea un sociedad desfuncional. Ora bo kibra e famia crea pa Dios bo ta kibra e fundeshi di un sociedad. Den un sociedad kibra no tin siguridad y locual cu lo bo lo haya ta un aumento drastico den criminalidad. Lubida riba e paz y trankilidad. Ken cu mishi cu e creacion di Dios lo tin problema cu Dios y lo bo sali derota.
Locual cu a yega na oido di nos di partido Curpa ta locual a pasa cu e mucha di scol. A trece confusion den e muchanan cu ta den un proceso di formacion, loke ta condenabel. Nos sa cu esaki ta parti di e agenda 2030 y cu el o bay mas leu ainda. Na Francia, gobierno a bay asina leu di kita e derecho di mayornan pasobra nan no ta acepta e doctrina aki. Ta deber di e mayornan pa educa nan yiu y no gobierno. Ora e ta mayor di edad e por scoge su propio caminda pero no por ta asina cu gobierno ta trece confusion den bida di nos criaturanan inocente. E criaturanan ta den un proceso di formacion entre e bon y malo. E cos aki ta diabolico. E siguiente stap lo bira cu lo legalisa pedofilia tambe. Ta manera satanas ta busca pa gana su discipelnan. Di mesun manera a infiltra e doctrina comunista n’e scolnan pa asina yega na poder.
Locual cu a pasa diabierna na Cas di Cultura nos no por tolera den nos sociedad. Si pueblo no habri su wowo y lanta para p’e derechonan sagrado, e situacion lo bay for di man. Nos no por compronde cu ainda tin parlamentario cu ta yama nan mes Cristian ta permiti pa gobierno destrui creacion di Dios. E Parlamentarionan bon cu e agenda 2030 no lo fortalece ningun famia sino ta busca pa destrui e famia institui pa Dios. Mas tristo ainda ta cu nos tin parlamentarionan ta sinta man crusa y ta mira nos gobierno destrui nos futuro generacion y asina caba cu nos sociedad. Dios ta pone rey y ta kita rey y asina e lo kita gobierno tambe. E tempo pa arepenti a caba y esaki ta e tempo cu e huicio di Dios lo baha riba esunnan cu consenti maldad. Hende cu mentalidad di reino no ta forma parti di e partidonan socialista ni comunista. Un gobierno sin Dios, ta un gobierno sin husticia. Ta tempo pa nos haci Aruba e perla di Caribe atrobe.
Lider di partido Curpa
Eric Ras
