Ora husticia den un pais no ta funciona nos ta mira cu e pais ta bay den un decadencia. En bes di cana den prosperidad e pais ta bay atras y ta mira pobresa. Esaki ta locual nos dushi isla di Aruba ta bibando na man di un gobierno comunista. Un gobierno cu no ta respeta nos leynan y ta goberna manera cu e ta haya ta bon ta un gobierno dictador. Gobierno continuamente ta viola e ley di compatibilidad y no ta percura pa un jaarrekening.
BBO na frontera a pone nos gremio comercial bira mas agresivo paso nan sa cu nan benta lo bay cay mas. Aruba su economia no por carga mas medida. For di 2017 cu e gobierno di partido mep yuda pa partido POR y awor RAIZ a sinta ta medida tras di medida nos pueblo a wordo suta cu ne. Gobierno a biaha rond mundo den biahe di placer paso nada a wordo logra pa yuda nos isla prospera. Mas luga a cuminsa dal nan porta cera, Amerijet a cancela vuelo di inmediato. Esakinan ta manda un señal cla pa nos.
Nos por a mira cu e Vacunagate a caba manera aros cu coco. A papia di mas di 800 sospechoso pero ta solamente 3 a aparece dilanti hues. Unda e grandinan mes a keda? Rond di mundo tabata tin problema cu e supuesto vacuna aki y awor tur cos ta sali na claridad. E companianan aki cu a fabrica e veneno lo tin cu duna cuenta dilanti hues. E corona virus ta un arma biologico y paisnan a sigui mesun patronchi manera World Health Organisation a dicta. Un organisacion cu a manipula cu informacion pa asina mas hopi hende tuma e vacuna pa para e virus. E cientificonan for di prome instante a bisa pa no tuma e vacuna paso e ta mas dañino cu bon. Awe nos por mira cuanto hende ta wordo haya morto. Nos ministernan a tum’e?????
Tur caminda aki na Aruba tin problema. Hotelnan ta pasa trabao pa haya trahado y asina mes e gobierno ciego aki kier bin cu mas hotel. Aruba no tin cama pa tanta hende y no tin vivienda. No solamente cas pero tambe ta pone un peso cu Aruba no por carga. Nos por a mira cu den averahe Aruba tin puesto hopi halto pa locual ta trata ilegalidad. Nos sa cu Hulanda y Merca nan frontera ta habri cu awe e pueblonan tin cu biba e consecuencianan. Na Hulanda no tin cas ni pa e Hulandesnan y na Merca tambe el a bay for di man. Aruba no por permiti e cos aki paso siguridad di nos tur ta na peliger.
Tur caminda tin malcontento y nos por a tende di ambtenaarnan cu a entama un caso paso nan a nenga nan vut. Locual cu nos ta mira cu mas y mas hende ta bandona nos isla paso e costo di bida ta asina halto y salarionan ta keda abao. Personal di brandweer tambe ta mal contento pa via cu no tin ekipo y e ambiente di trabao ta pessimo. E officier van dienst a entrega nan auto paso nan a cansa. Tres auto di paga candela tin y nos por a tende cu poco dia ey mester a pone ekipo di trabao den un pickup paso e materiaalwagen ta daña. Na KIA no tin luga pa mas preso y casi sigur e peso riba e trahadonan ta grandi. Un luga cu no a haya mantencion y cu ta cay den otro. Cuerpo Policial tampoco ta bayendo bon pa via cu no tin opleiding y tin scarsedad di mas di 200 polis. Kier baha overtime tur caminda unda tin scarsedad. E ambtenaarnan ta fada y ta demotiva y situacion ta bira pio cu un aumento di costo di bida. E timebom ta cla pa explota den cara di gobierno. Pueblo unda nos ta bay?
Minister Arends ta hiba nos prome minister corte pa via di e beach cu kier traha dilanti di Embassy Suites. Esaki ta demostra cu no tin un maneho y cu gobierno ta perdi den espacio. Straño si ta cu no por dialoga pa yega na un solucion pero ta gasta placa di pueblo na abogado pa un cos interno. Berdad ta ora cu gobierno ta goberna cu malicia bo ta hayabo cu situacion asina. Esaki ta ora cu un gobierno ta bay contra leynan di Dios y awor nan ta recoge nan cosecha di locual cu nan a sembra. E husticia di Dios ta riba nan. Partido Curpa ta e unico alternativa.
