Tin reglanan cu EPB ta pone pa asina siña e hobennan riba e respet cu mester keda y tambe mustra nan con nan mester comporta nan mes como hoben, pa mañan ora nan ta adulto, esaki resalta den nan bida.
Hopi di nan ta cana carson baha. Ta bisti carson, pero e atras ta sali cu e paña di abao bisti. Cu of sin buraco, con cu ta. Esey no ta forma di bisti. Tin cierto mensahenan cu ta manda internacionalmente ora cu ta bisti asina. Awendia, esaki ta un trend.
Erwin Lopez, director di EPB Hato, ta garantisa reglanan di scol cu ta na su luga. E ta sigui splica cu ta pidiendo ayudo di e mayornan pa forma e hobennan aki. Na EPB ta prepara nan pa nan bira profesional den labor y parti di dje ta formacion profesional.
Actualmente tin hopi problema cu carsonnan baha. Ta papia cu nan, pero ta yega un momento cu awo ta basta. Esaki ta hinca den reglamento di scol, pero e hoben no kier tende. Ta bay tuma e medida cu si mira carson baha, ta manda e hoben cas y cambia paña. Si tin faha ta drecha esaki. Nan ta bin cu faha bisti, pero e faha ta mas hancho cu e carson, pa esaki cay. EPB no ta acepta esey mas.
Pa mas informacion lesa Trempan.
