Diabierna merdia a sosode un accident riba brug di Renaissance caminda un persona e resulta levemente herida. Esaki tabata entre un truck di ABC Tours y un scooter.
Tabata alrededor di 1:00 pm ora cu a pidi presencia di polis pa cuminsa dirigi e trafico mirando cu esaki a pega mesora debi na e accidente. E motociclista a resulta herida pa cual a pidi ambulance na e sitio pa bin atende cu ne.
Segun informacion, e truck biniendo di abou a pone señal pa bira na su robes a sinti un impacto cu despues a bin resulta cu tabata e scooter cu a dal den dje. Na momento ey a ripara un persona cu a cay for di e scooter benta abou.
Afortunadamente e motociclista no a resulta mucho herida pero asina mes a transporte pa hopsital pa un chekeo medico. Daño material tabata minimo. Locual cu si tabata bisto ta e stagnacion cu a surgi debi na e desviacion di trafico. Polis a cera algun crusada cu a pone cu a sinti e efecto mesora. Rij largo a forma na diferente area y tabatin mester di hopi pasenshi pa warda te ora por a habri caminda bek.
