Door cu entrante prome di augustus, tin un ahustacion den e pago di invoerrechten, e prijs di e modelonan cu nan tin den stock a bira menos.
Rodney Kock, Relacionista Publico di Garage Centraal Aruba a indica cu door di esey, ora di paga e belasting pa e unidadnan aki, el a bira menos. Consecuencia di esaki ta cu e autonan cu nan tin aworaki, nan prijs a baha. Y loke nan ta spaar den pago di belasting, nan ta aplica e diferencia na bienestar di nan clientenan.
Garage Centraal tin descuento riba un variacion di auto, di dos pa cuater mil florin. Por ehempel, e Hyundai Tucson, su prijs a bay di AWG. 74.500 el a baha te na AWG. 64.500,-. Ta un diferencia di AWG. 10.000,- menos cu e cliente ta paga p’e auto.
Tambe tin e Volkswagen Taos, cu ta cay den rango di SUV. Su prijs inicial tabata di AWG. 77.750,- y el a baha na AWG. AWG. 63.675,-. E cliente ta spaar un suma substancial riba e autonan aki.
Naturalmente tin auto cu loke ta spaar menos, cu ta mas cerca di e prijs original, pero si Garage Centraal tin cambio riba practicamente tur auto nobo.
Awo ta e momento ideal pa busca un auto nobo, pasa na Garage Centraal, check e auto cu tin interes den dje awo cu e prijsnan a cambia pa miho. Lo aplica e diferencia den prijs asina e cliente por haya un auto nobo na un prijs reduci. Di e manera aki, e cliente por yega na su siguiente auto nobo.
Otro auto cu tin descuento ta e Virtus tabata costa AWG. 49.990,- cu a bira prijs fiho AWG. 44.990,-. Un tempo Garage Centraal tabata tin e como prijs special, pero awo e ta nan prijs fiho.
Riba un Creta e cliente por spaar AWG. 3.000,-, di AWG. 2.000,- riba e Accent. Un variacion di auto di tur sorto, di SEDAN, SUV ta cambiando prijs pa miho.
Rodney Kock, Relacionista Publico di Garage Centraal ta invita e pueblo di Aruba pa pasa cerca nan y wak e variedad amplio di auto cu nan tin den nan showroom.
