Diabierna anochi, un tiki promer cu 12;00AM a bati, varios unidad di Polis a bay direccion Green Corridor riba e caminda di Sero Teishi pa listramento di un vehiculo.
Informe cu ricibi e anochi ey, cu lo tabata tin un caso di hincamento na Liñear Park y cu esnan sospecha di ta envolvi den e hincamento, a subi un auto blanco tipo Honda Accord y a move for di e sitio. Autoridad a haya informacion di e caso na momento cu e presenta na Hopsital cu e victima buscando ayudo medico.
Relaciona cu e caso aki, un rato pasa, den careda di 4:20PM, a haci un entrada hudicial na Cantaloupestraat Dakota caminda a detene e homber di inicial D.P. di 19 aña enconexion cu e caso di hincamento.
Ta sospecha cu e hoben aki lo tin di haber cu e hincamento cu a tuma luga den e area di parkeo na Linear Park diabierna pasa dia 5 di februari.
Polis ta pidi cooperacion di comunidad pa resolve e caso aki. Si tin cualkier informacion cu por ta di ayudo por tuma contacto cu tipline di polis cu ta: 11141. Anonimato di cada yamada ta garantisa.
