Segun Ryan Maduro na EPI, un di e prome cosnan cu el a tuma na su encargo ora cu el a bira director, ta traha cu hospital, pa motibo cu nan tambe a ripara cu en berdad no tin e interes.
Pero tambe tin algun desafio pa loke ta trata contenido di e programanan di EPI. Ta trahando den un plan structural pa por yega di tal forma cu entre Hospital y EPI por crea programanan cu ta stimula esnan eyfo pa conoce kico e opleiding ta y vooral e profesion.
Esey ta e problema hopi grandi. Hopi biaha e persona no conoce e profesion y no ta stimul’e pa bay tuma. Si bin cu programanan di campaña pa stimula, pa hendenan conoce kico e profesion ta, e ora nan ta haya e gana pa bay pa e profesion ey.
Eynan ta caminda cu EPI ta bayendo, pa trece mas na luz publico, vooral pa e hobennan, kico e profesion ta. Pakico e ta importante pa sigui un estudio asina.
Ta partinan di PR & marketing cu tin cu traha riba dje.
Interes pa EPI
Na e momentonan aki EPI a crece. Nan tin 640 studiante pa e prome aña. Total na e momentonan aki tin mas cu 1900 studiante. E scol a wordo traha pa un scol di 1200 studiante. Y awo ta na 1900 caba.
Acomodacion
Pa loke ta acomodacion, ta papiando cu minister di enseñansa y tur esnan cu ta rond di dje, pa motibo cu en realidad ta cu nan infrastructura ta rekeri atencion. Pero ta trahando riba alternativanan pa por acomoda. Dado momento e infrastructura ta bira demasiado chikito pa carga cu e opleidingnan.
Sesionnan
Awor aki tin 2 unidad, cual ta ciencia y tecnologia y salubridad y servicio, cual ta un sesion di mey ora. Despues e studiantenan di hospitalidad y turismo y economia ta drenta. Ta 640 studiante y e auditorio ta carga solamente 300 y pico. Mester a split’e den dos grupo.
