Recientemente Gobierno di Hulanda a pasa un ley cu ta prohibi benta di klapchi na publico y ta prohibi tiramentondi klapchi individual, entrante dia 1 di augsutus 2026. Show si ta permiti pero mester un permiso adelanta di gobierno.
E decision aki a bini debi na tantisimo accidente cu klapchi, mal uzo di klapchi pa tira contra polis, bombero y paramediconan di ambulance, molester pa bestia y medio ambiente en general.
Asina cu e anuncio a bira conoci, mesora nos a organisa un encuesta online riba e pagina di Facebook di 24ora.com, pa midi e interes na Aruba pa sea adopta un maneho asina of si ta mantene nos tradicion di klapchi manera cu e ta.
Un total di 1400 siguido di 24ora a participa. Mester menciona cu 936 a vota na fabor pa Aruba adopta e ley di Hulanda y prohibi benta y tiramento di klapchi individual y mar’e solamente na shownan profesional. Di otro banda 456 siguido a vota na fabor pa lag’e manera cu e ta y conserva e tradicion di tiramento di klapchi na Aruba, entre otro pa “core cu fucu”.
Hecho ta cu mas cu dobel di esnan pro ta contra klapchi, loke ta hinca gobierno den un posicion di evalua con lo sigui den futuro cu benta di klapchi na Aruba
Hulanda a introduci un ley pa prohibi benta y cendemento di klapchi pa publico. Ta permiti solamente show profesional. Kico ta bo opinion di e ley aki pa Aruba? Expresa bo opinion den comment via e dos emojinan.
