Desde inicio di e “Investment Loan”, hopi empresario a demonstra necesidad pa inverti den nan compania.
Hopi negoshi na Aruba a indica di a wordo impacta negativamente door di e pandemia di COVID-19. Door di esaki empresarionan no tabata tin e recursonan financiero pa inverti den nan negoshi durante un periodo largo.
Qredits Aruba conhuntamente cu Ministerio di Asunto Economico, Comunicacion y Desaroyo Sostenibel di Gobierno di Aruba a introduci e producto financiero “Investment Loan”pa brinda oportunidad na e empresarionan aki pa inverti den nan negoshi. E “Investment Loan” ta un prestamo comercial t’e cu Afl. 50.000 na un interes rebaha di 5.75%.
Ken ta bin na remarca pa un “Investment Loan”?
· Bo ta un empresario existente cu a cuminsa bo negoshi prome cu maart 2019;
· Bo negoshi mester ta registra na Camara di Comercio di Aruba prome cu maart 2019;
· Bo actividadnan comercial ta tuma luga na Aruba;
· Bo ta desea di inverti (por ehempel: inventario, makinaria, marketing, etc.) den bo negoshi y sigui crece!
Bo ta un empresario cu ta desea di inverti den bo negoshi y sigui expande, esaki ta bo oportunidad pa aplica pa “Investment Loan” via www.qredits.com.
Qredits Aruba ta conoci den e sector empreserial por medio di yuda varios comerciante cu microfinanciamento pa cuminsa y expande nan propio negoshi. Qredits Aruba tambe ta sostene empresarionan via coaching, recursonan y programanan educacional.
Pa mas informacion por bishita Qredits su Facebook page “Qredits Aruba”.