Recientemente Archivo Nacional a haya bishita di Emmy Bertholdschool F.O. di Corsou cu ta un scol di Unesco.
E scol aki ta bou di encargo di Suzette Davelaar-Efraci y a bishita ANA cu un grupo di diesun maestro di e scol aki pa asina conoce mas di historia di Aruba y tambe cu e trabounan cu ANA ta desplega. E grupo aki durante tres dia nan tabata na Aruba pa un bishita di trabou cu e meta pa profesionalisa nan mes mas door di bishita otro instancianan di enseñansa na Aruba y algun scolnan, y asina intercambia experiencia y ideanan cu nan coleganan na Aruba. Alabes purba na crea un netwerk entre personal y instancianan den enseñanza y conoce mas di Aruba su cultura.
Pa e ultimo aki tambe nan bishita ANA, no solamente pa haya informacion di Aruba su historia, pero tambe haya sa mas di meta di ANA y con ANA ta contribui cu e parti educativo di nos comunidad.
Na e ocasion aki no unicamente ANA a duna splicacion di meta y tareanan di e instituto, sino e docentenan a haya oportunidad pa admira e exposicion DIASPORA ARUBIANO. Tambe ANA a duna un demostracion y splicacion di loke ta trata e “Coleccion Aruba” cu ta riba internet accesibel via www.coleccion.aw. Aki nan a mustra nan tambe cu e coleccion aki ta contene tambe varios materialnan di Corsou. Asina nan a wordo mustra riba un video di añanan 30/40, di Corsou y nan a keda masha encanta mes. Na final di e atardi, tabata tin intercambio di recuerdonan na otro.
Archivo Nacional Aruba, kier a gradici Emmy Bertholdschool F.O. di Corsou, pa a scoge pa e bishita aki na ANA. Tambe un danki ta bay na Dufi Kock y su señora Ija Kock, kende a fungi como e contacto entre e school y ANA na prome instante.
