Secretariado di Comision Nacional di UNESCO Aruba, ta orguyoso di dr. Marck Oduber, cu e gran logro di obtene su PhD na Universidad di Maastricht.
Dia 14 di december 2020, Sr. Oduber a defende su scriptie como un novum y conforme deseo di Minister di Enseñansa, Ciencia, y Desaroyo Sostenible online via Universidad di Aruba conhunto cu Universidad di Maastricht.
E titulo di e disertacion ta “The Impact of Selected Natural Factors on Tourism Demand- The Case of a Small Island Destination”.
Den e estudio a investiga e relacion entre diferente factor natural cu tin efecto riba un isla turistico. E estudio a enfoca principalmente ariba factornan di clima (termino corto y largo), salud (dengue) y vegetacion.
Den corto, e estudio a studia e oscillacion di demanda turistico di Aruba en relacion di clima di e pais di unda e turista ta bin (por ehemplo Merca),y na Aruba.
Den e estudio di dengue y vegetacion a studia e movecion bi-direccional entre turismo y dengue y vegetacion. Den estudio a haci uzo di formulanan econometrico/matematica avansa pa analisa e relacion.
Di parti di Ministro dr. Armando Rudy Lampe, Comision National di UNESCO Aruba y di e secretariado di Comision Nacional di UNESCO Aruba, kier felicita dr.Marck Oduber cu e logro.