Cu sumo placer Aruba Bank N.V. ta anuncia e nombramento oficial di Elisabeth (Els) Avontuur como Director General y Presidente di nos Hunta di Directiva.
Avontuur ta trece cu ne mas di binticinco (25) aña di experiencia bancario na Rabobank Nederland, Rabobank Shanghai, China y na ABN AMRO. E ta un lider empresarial cu enfoke fuerte riba e cliente. Su experiencia amplio ta inclui experticio den e industria bancario general y diferente funcion den e area di “change management”.
Segun e ehecutivo, su motivacion ta radica den e pasion y e conocemento di e profesion bancario, y tambe den e desaroyo di e tipo di negoshi aki, coleganan, clientenan y partners cu ta hacie funciona.
E banco ta contento di yama Avontuur un bonbini na e famia di Aruba Bank. Nos ta en espera pa traha bou su liderazgo inspirador.
Bonbini Els!
