Mainta a habri cu un bon awasero, pero cu esaki a bin algun accidente un biaha mas debi na caminda muha. Un di nan tabata na Noord. Chauffeur a perde control di su auto na momento cu esaki a slip riba e caminda muha.
Esaki a sosode den careda di 7:30 am riba caminda di Sabana Liber, direccion e brug di madushi, net den e birada.
E auto, un Toyota yaris blauw (A77662) a bay cay den e rooi te pasa pa e otro banda. Afortunadamente e chauffeur no a resulta herida pero si disgusta di locual a sosode. E mes a regla takelwagen pa saca e auto for di e rooi pa despues transport’e pa su cas.
