Diamars mainta un famia cu a huur algun UTV, a dicidi pa bay pasa un dia placentero y conoce parti patras di Aruba pero esaki a termina masha lihe ora a sosode un accidente.
Un maniobra no a bay bon. Den un di e UTVnan, e chauffeur a dicidi pa bay cuminsa draai cu esaki y den e proceso el a kenter y logra para bek riba su cuater tirenan.
Desafortunadamente e mama, sinta patras, su man a sali for di e UTV y cu consecuencia serio. El a resulta herida cu rasca na curpa y un bandi brasa cu a hincha mesora. E tour guide a opta pa cuminsa bin direccion lighthouse unda ta haya signal cu telefon pa asina bati alrma y yama polis y ambulance mesora.
Di biaha a manda ayudo pa asina nan bay atende cu e dama cu tatana keha di basta dolor den su pols. Ambulance cu a presenta na sitio a check e dama y a dicidi pa transport’e pa hospital pa atencion medico.
