Jerry Springer, un di e figuranan mas influyente y polemico den historia di television, a fayece awe mainta na su cas na Chicago. E ta sufri di cancer y aunke tabata parce cu e tabatin e enfermedad bou control, ultimo dianan el a confronta basta reto cu su salud.
Durante 27 aña el a presenta e show di entrevista yama “The Jerry Springer Show”. Un programa cu hopi biaha e participantenan ta tira mokete riba otro, specialmente pasobra den publico ta reta nan y tenta nan. Mesora e sala ta cuminsa grita “Jerry, Jerry, Jerry, Jerry!”
Prome cu el a cuminsa su carera na television, e tabata un politico. El a drenta Conseho Municipal na Cincinnati na 1971 y a bira Alcalde di e mesun ciudad na 1977. El a sirbi net un termino.
El a bira un sensacion mundial cu su programa na television cu a start na 1991. Mayoria hende no ta corda mes cu na inicio e show tabata riba tema politico. Pero claro, finalmente e programa a converti den exactamente lo contrario, pero den un exito pa audiencia! Su programa a sigui te na aña 2018.
Jerry a bay laga atras su yiu Katie Springer y su ruman mayo Evelyn. Jerry Springer a fayece na edad di 79 aña.
