Dialuna atardi polis a yega na altura di rotonde Mahuma pa topa cu algun hoben cu a indica di a haya obheto (nan) peligroso, sospechoso y ta desea di entrega esakinan na autoridad. Den careda di 5:00 pm polis a presenta den cercania di rotonde di Mahuma, un tiki mas pariba entre e rotonde cu airport, pa asina topa cu algun hoben cu a haci entrega di un arma blanco cu nan a encontra cu ne.
Un acto ehemplar di parti di e hobennan cu e tuma e decision corecto di yama polis y entrega e arma blanco aki cu por ta material di cualkier acto criminal cu a pasa den e dianan aki rond nos isla. Polis a tuma e obheto den beslag y declaracion di e hobennan na sitio.
Na tur momento, tuma e desicion corecto y yama polis, e por ta locual tabata falta pa resolve un caso. Bon trabou di e hobennan aki.
