E desaroyo di gasto di AZV den GDP ta un dato uza pa instancianan internacional pa midi e grado cu ta contene crecemento cu ta hunto cu e gastonan colectivo.
Director di AZV, ir. Edwin Jacobs a bisa cu esaki ta indicacion di e gastonan colectivo saca for di GPD pa financia gastonan publico. Mas e gastonan aki ta, menos faborabel e ta pa e economia. Ta importante pa mantene e totalidad di gastonan colectivo den relacion cu GDP rond di 40%.
Aña 2019 tabata un bon aña pa AZV, un aña unda cu e economia tabata bon y tabata tin un bon entrada, AZV tabata tin un surplus y no tabata tin mester di contribucion di pais Aruba, ya cu e tabata na 7.6%.
Durante pandemia e GDP a cay y door di esaki e porcentahe di gasto di AZV den gasto GDP a aumenta y na 2022, a cera cu 8.2%.
