Riba dia liber Duana no por cera completamente. Tin tipo di dienst cu si ta cera, mientras esunnan cu ta door werkende no. Na momento cu nan cera cierto dienst, comercio ta cuminsa keha riba esaki.
Edward Maduro, presidente di SADA, a splica cu por ehempel dia 26 di januari ta Dia di Aduana, pero nan no por cera 100% pasobra tin dienst cu mester keda draai. Riba dia festivo momento cu container yega y mester saca por ehempel esun di cosnan friu, no por pasobra e parti di keur container tambe a bay plat. Pa esaki el a indica cu esunnan cu tin prioridad ta atende nan. Un container yega diabierna atardi, no ta habri esaki ni diasabra ni diadomingo. Tin parameters cu ta bisa kico por warda, un container warda mita dia.
Un di e problemanan cu nan tin ta ora di bay den welga, pasobra Aruba Trade & Industry Association (ATIA) y Camara di Comercio (KvK) ta haci manera mundo a caba. E ta haya cu esey ta un problema cu Duana tin na momento cu e sindicato organisa reunion den ora di trabou of welga. Tin cu duna espacio na e dienst y e containernan cu no tin pura, ta warda.
E sindicalista a indica cu a bin critica pa Duana, nan tur ta carga esaki. Momento cu ta cera, leiding di Duana ta informa esaki pero comercio ta esun cu ta yora por nada.
