Cafe the Plaza lo celebra e di 29 edicion di e Torneo di Golf diasabra, dia 26 di november. E golfistanan a bin ta spera esaki pa henter e aña, pero awo e momento a yega: e Trofeo Memorial Hans Nooter 2022 ta cla pa tin un ganado nobo. E evento emocionante aki di golf lo tin su salida pa 12:00 pm den e fantastico campo di golf di Tierra del Sol.
E formato ta un scramble di dos persona; e hende hombernan lo hunga for di e teesnan blanco y e hende muhenan lo hunga for di e teesnan cora. Trinta porciento di e total combina t’e handicap di e ekipo.
Anteriormente e evento tabata yama Plaza Golf Open, cu a cambia di nomber na honor di e propietario di Cafe the Plaza, Hans Nooter, kende a fayece 10 aña pasa.
Tin un limite di 40 ekipo (80 hungado), pa cual ta recomenda pa inscribi trempan. “E torneo aki ta pa pasa pret y pa tin un bon recuerdo di Hans,” e participantenan di semper a bisa, tur di nan bon cliente di Cafe the Plaza den Renaissance Marketplace. E evento lo tin diferente premio, p’e di dos y di tres luga pa ekipo, como tambe p’e ‘Closest to Pin den e holnan 3, 7, 13, 15 y 17.
Despues di hunga 18 hol, ta spera cu e golfistanan cansa bolbe Cafe the Plaza despues di 5:00 pm pa tuma algun bebida revitalisante y come algo prome cu e entrega di premio.
E inscripcionnan p’e Trofeo di Golf Hans Nooter Memorial por tuma luga caba na Tierra del Sol na james.kiley@tierradelsol of yamando 5860978. Prijs ta 89 dollar p’e hungadonan local y 119 dollar p’e bishitantenan.
