Diferente studio a wordo haci y comproba cu actividad fisico tin un impacto asina bon den e parti di sobrepeso. Haciendo actividad fisico lo contribui pa mantene un peso saludabel.
Segun Edgar Erasmus di Ibisa, ta recomenda pa hende grandi haci actividad fisico 30 minuut tur dia y pa muchanan esaki sigur 1 ora tur dia.
Actividad fisico
Bo por haci diferente tipo di actividad. Bo por haci actividad ora bo ta na cas, si bo no tin gana di bay afo haci actividad. Na cas bo por bari, haci movecion, baila. Tur esakinan ta actividadnan fisico. Tambe bo por haci actividad fisico, bay cana pafo, bay den parke y tur esakinan ta hopi importante.
Tambe bo tin hende cu ta haci deporte. E ora bo ta haya cu e intensidad di actividad fisico ta mas halto cu normal. Pesey tambe un guia profesional ta hopi importante pa por guia un persona pa e por haci esaki bon. Un hende cu tin sobrepeso tin cu bay paso pa pasio cune. No por bay na haci actividad di biaha duro cun’e, pasobra esaki tambe por tin consecuencia cu su salud. Ta pesey ta importante pa bay bao di guia di profesionalnan cu por yuda pa cuida pa loke ta actividad fisico.
Pa mantene un peso saludabel tambe ta recomendabel pa move 30 pa 45 minuut, cual ta e tempo recomendabel pa haci esaki, semper bao di guia di profesionalnan. Na scol e muchanan tin un ora y mey di gym den un siman cu no ta suficiente ainda. Ta importante pa duna un lesuur mas pa e parti di movecion na scol. Tambe durante pauze, e muchanan tin dos biaha 15 minuut cu tambe ta importante cu tambe ta yud na contribui na e minuutnan cu nan tin cu cera pa dia pa haci actividad fisico. Ibisa tin un programa di deporte escolar, despues di scol cu tambe ta yuda den e parti di movecion aki. Ibisa ta bay cuminsa cu un programa despues di scol for di 3’or pa 5’or di atadi na Sport Centrum San Nicolas. Aki atrobe kier yuda na contribui na e parti di Sobrepeso, door di bin cu mas actividad fisico den bario. Actualmente ta bay cuminsa uno na San Nicolas, despues amplia esey den mas bario y yuda cu mas hende por move, asina pura di tene parti di sobrepeso mas abao. Esaki sigur ta bay facil, bo mester tin hende profesional cu por guia e procesonan aki tambe.
