Servicio Meteorologico di Aruba (Meteo) ta pronostica cu shelo lo ta parcialmente nubla y generalmente seco awe nochi. Humedad disponibel den region lo pone nubianan aumenta temporalmente, principalmente den marduga y mainta esaki por produci un yobida pasahero. Stof fini di Sahara lo stroba visibilidad durante e proximo dianan.
Aviso/Alerta:
Un aviso pa boto chikito pa e areanan oost te noordwest di costa ta na vigor. Ta recomenda pa eherce cautela na sobra parti di laman.
Fenomenonan special:
Debi na un incidencia relativamente halto di rayonan di solo y humedad modera te halto e dianan aki, por verwacht cu temperatura lo por yega 34 of 35°c rond di oranan di merdia. Esaki por duna un sensacion di calor di 38 te 40°c rond di oranan di merdia.
Tempo tropical significante:
Horcan Sam tabata situa na un distancia basta grandi zuid di Cape Race, na New Foundland y ta move den direccion noordoost. Sam no ta di importancia pa Caribe. Victor a degenera den un ola west di islanan Cabo Verde y lo no nombr’e mas den boletinnan di tempo.
Pronostico di tempo pa e proximo 3 dianan:
Shelo lo ta parcialmente nubla cu un awasero pasahero te breve. Biento lo ta for di direccion oost y modera te basta fuerte den rafaga. Temperatura max/min lo ta: 34/28 grado Celsius.
