Bucuti & Tara Beach Resort, Aruba lo bay paga su luz pa conmemora “Earth Hour 2024”. E resort lo bin hunto cu un comunidad mundial riba 23 di maart for di 8.30pm pa 9.30pm. E accion aki t’ey pa brinda atencion na e cambio cu lo mester haci pa combati cambio climatico.
Huespednan di Bucuti & Tara lo haya e oportunidad pa participa den “E ora mas grandi pa mundo”, cu diferente actividad cu e resort a prepara. Participacion anticipa mas grandi den historia di e evento
E prome Earth Hour a cuminsa na 2007 y awo ta conoci como e iniciativa cu ta haci tur participante paga tur luz. E evento ta simbolisa un apoyo pa e bienestar di nos planeta. Cu participante di mas di 190 pais, e organisacion ta manda un mensahe rond di mundo cu cada ora y minuut ta conta. Cada aña mas hende ta participa, asina mas hende ta realisa e efecto cu e evento aki tin riba e salud di nos planeta.
E organisacion di Earth Hour ta informa cu esaki ta e prome generacion cu tin e solucion y posibilidad pa haci e cambio necesario pa mehora nos medio ambiente. E tambe ta e delaster generacion cu mester pone accion, prome cu no por mas. E resort ta brinda su huespednan un oportunidad pa participa
● Stargazing Experience. Ta invita huespednan pa sinta riba nos bunita Eagle Beach dilanti di nos shelo yena cu strea. Cu un team di experto di Space and Nature Aruba Foundation, cual ta reconoci door di UNESCO y e International Astromical Union. E organisacion lo brinda ayudo p’asina tur hende presente por haya un experencia pa wak nos bunita strea cu un telescop.
● Un cena consciente. Chef Alexander Powell hunto cu su team di experto ta creando un experiencia culinario cu lo honra nos planeta. Lo prepara tur plato uzando menos energia posibel y cero gas. E menu lo consisti di ingredientenan fresco y tur producto cu por produci localmente. E evento aki lo tuma luga na e ocean-front restaurant di Bucuti & Tara Beach Resort: Elements Restaurant.
● Meditation pa crea conexion. E sesion di meditacion lo ta dirigi door di e instructor conoci como, Shanti. Su filosofia, “We are enlightened beings of nature”. Esaki lo ta un experiencia special pa e huespuednan di meditacion cu lo enfoca riba crea un conexion cu nos medio ambiente.
● Pelicula bou strea. Huespednan por relaha riba e lounge chairs di e resort na su private outdoor movie venue. Lo por mira un pelicula, pa inspira & siña over di nos planeta. Ta haci esaki uzando solamente energia solar.
Bucuti & Tara Beach Resort ta invita tur compania of persona pa participa den e evento aki, pa representa Aruba den un iniciativa pa mehora nos mundo. Doño y CEO di Bucuti & Tara ta comparti, “E no ta costa nada pa participa den un evento cu por yuda nos conscientisa nos mes over di un topico cu juist lo costa nos tur cos.”
Bishita e website bucuti.com pa siña mas.
