Recientemente Wendy’s Aruba a anuncia nan campaña premiando nan cliente di mas fiel…cu un auto nobo nobo di Garage Cordia. Den un union magico Wendy’s y Garage Cordia a elabora riba nan “Loyalty Program” regalando un auto nobo 2021 pa asina gradici clientenan pa nan lealtad y confiansa den tur producto cu Wendy’s ta ofrece.
Wendy’s no solamente ta pensa riba e productonan di mas fresco y miho servicio pero tambe con pa duna bek na e clientenan cu pa añas ta fiel y satisfecho cu e calidad cu nan ta ofrece pesey a bin cu e Loyalty Program cu pa di tres aña consecutivo ta duna bek na e cliente den forma di premio cash y e biaha aki den un forma diferente, a partner up cu Toyota pa duna e most loyal client un Toyota Agya 2021 nobo.
Registracion ta importante
Na tur e clientenan fiel di Wendy’s ta bay un recordatorio pa registra na e “Loyalty Program”. Subi riba e website www.wendys.aw , subi riba e Loyalty Program tab y yena e informacion necesario y asina automaticamente registra y participa.
E Toyota Agya 2021
Un vehiculo compacto, deportivo, potente di tres cilinder. Garage Cordia di su banda ta sumamente contento di por ta parti di e magno campaña aki. E auto cu lo bay pa e most loyal client ta un tremendo auto. Tur esunnan cu kier haci un test drive, ta posibel sin ningun compromiso, pasa na Garage Cordia pa asina sinti pa nan mes con e ta core y keda fasina cu n’e. Si acaso tin mas pregunta of ta desea mas informacion pero no por pasa personalmente semper por subi e website di Cordia cu ta www.toyotaaruba.com of por sigui nan tambe riba e pagina di facebook cu ta Cordia Aruba. Un danki grandi a bay tambe na artista / idolo local cu ta gosa di exito y reconocimiento internacional esta Jeon, pa pone e dos partnernan aki hunto cu ta un orguyo sigur.
Premio na e most loyal client lo tuma luga fin di e aña aki. Sigura bo mes cu bo ta registra den e Loyalty Program pa bo ta den e sistema, cual na final lo bay anuncia e Top 20 Clients cu den un evento publico grandi, lo bay haya un yabi cu lo tin chens di habri e porta di e Toyota Agya nobo. Un evento caminda Jeon lo tey presente hunto cu e participantenan pa saca den nan 1 ganado di e Toyota Agya nobo 2021. Cuminsa registra awe mes.
