Den e “International Wine and Spirits Report” pa aña 2021, a informa cu Chill, e cerbes fresco y refrescante cu bo ta custuma pa bebe cant’i lama, ta number un riba e lista di cerbes mas bendi na Aruba. Awe, separa di ta e cerbes oficial di carnaval 69 y patrocinado principal di SMAC, tambe e lo ta e cerbes exclusivo cerca e gruponan di mas grandi den e pRada di flambeu. Chill ta domina awe den Empire Carnival Group, Champagne Carnival Group y Infinity Group.
Brouwerij Nacional Balashi awendia ta produci mas di 52% di tur cerbes consumi na Aruba. E porcentahe aki ta mas di un di cada dos cerbes! Un logro impresionante cu nan ta hopi orguyoso di dje.
Chill ta celebra diesdos aña
Cu un inversion alrededor di 20 miyon florin, MetaCorp a colabora cu partnernan Aleman riba e iniciativa proponi. Nan a combina un di e miho awanan pa bebe na mundo, esta e awa di Aruba, cu tecnologia innovativo di Alemania, pa produci Balashi, un producto di clase mundial pa consumidonan local y pa exporta.
E tabata un inversion logico, pasobra MetaCorp tabata doño caba di e planta local di Coca Cola, esta Tropical Bottling Company. Pues, facilmente por produci cerbes Balashi y ainda comparti espacio di e liña di produccion cu un di e marcanan di soda di mas popular na mundo. Un banda di e planta ta brouw, herbe y fria, mientras cu e otro ta mix y yena. Ambos a uza e tremendo washing machine pa boter y comparti capacidad moderno di canning y labeling.
Na aña 2011, e brouwerij a inspira y crea Chill y a lans’e exitosamente durante temporada di Carnaval. Con a bini na e nomber? Ningun hende ta corda, e lo mester a sali naturalmente for di e brewers y e localnan, pasobra a ricibi e cerbes nobo pa beach cu masha entusiasmo y mesora el a bira un game-changer den e mercado local, cu competencia grandi pa otro marca di cerbes pa bebe na lama.
Na aña 2018, mientras cu e sabor a permanece exactamente mescos, e imagen a bira mas briyante. E logo a ricibi un solo rondona door di e rayonan solar. E cursive lettering a haya mas distincion, mientras cu a reemplasa e boter medio blauw pa uno cu clear glass y miho cu tur cos, e label a bira transparente. E mensahe patras di e boter a minimalisa, pero a keda cu e mensahe di “Mantene Aruba Limpi.”
Bendi den boter of bleki, cu e clear label, Chill awendia ta disparce for di shelves facilmente, yegando den man di e consumidonan y supermarket shopping carts.
Kico ta e secreto tras di Chill? Traha den batch chikito, semper fresco, sin sucu, localisa na Balashi net banda di e planta di destilacion di awa, cu un awa mundialmente conoci y atencion na detaye.
Ambos Balashi y Chill, cu Magic Mango, awor ta e cerbesnan di mas ‘green’na Aruba, exitosamente recuperando 90% di nan boter, danki na un proceso generoso di reciclamento, hunto cu un tremendo operacion di laba y recicla boter, percurando cu mayoria no ta yega dump.
Balashi Brouwerij ta awor un ambiente totalmente automatisa, cu control di calidad estricto, tur producto ta carga e bandera di Aruba, pues consumidonan ta protehi, nan sa for di unda nan cerbes ta bini, nan sa cu e ta fresco sin nada adicional, sin food coloring, color di oro, soft riba e lenga y nanishi, anto hopi suave riba e foam cap.
Disfruta responsablemente
E mensahe di Chill pa e carnaval aki ta pa bo disfruta di tur evento, cu bo cerbes preferi, pero den forma responsabel.
