Dor di e situacion di coronavirus Quota Club International di Aruba a haya nan mes ta pospone nan evento di Quota Care cu semper ta tuma luga den luna di maart.
Ivy Simon, Presidente di Quota, a splica cu door di COVID-19 no por a bishita e instancianan den compania di nan Beer. Pero no a para keto, y a sigui haci tur preparacion y hunto cu e Director di Servicio Kristel van Nes a haci entrega di e beernan special, seccion di mucha na hospital. E beer ta pa duna e muchanan mas confiansa durante nan estadia den hospital.
Tambe a laga e beernan na Eerste Hulp, na oficina di Slachtofferhulp, Fundacion pa Hende Muhe, unda semper tin mucha envolvi y ta trata pa via di e peluche aki trece trankilidad cerca e menornan. Den e periodo aki, Quota a entrega rond di 400 beer.
Ayudo
Anualmente Quota ta haci un anochi social cu ta haci un donacion. Pero debi na e crisis di COVID-19 no por yama e instancianan pa den un forma mas oficial ricibi nan donacion. P’esey a bay personalmente na cada instancia.
Durante e evento pa recauda fondo a logra haya e suma di 71 mil florin cu ta bay bek pa comunidad. E suma di mas grandi tabata recauda durante nan evento social di luna di november, y despues tabatin benta di earplugs den temporada di carnaval.
A base di loke a recauda, a logra yuda 20 instancia na Aruba, cuminsando cu FEPO. Otronan cu ta of a haya donacion ta Fundacion Pa Nos Comunidad, Colegio Arubano, Wilhelmina Kanker Fonds, Edmund Harms Foundation, Fundacion pa Hende Muhe den Dificultad, Orthopedagogische Centrum, Colegio Arubano, etc.
Tur fundacion a wordo avisa caba cu e suma ta riba nan cuenta pa yuda comunidad.
