Diadomingo e team di DVG tabata core rond pa haci control na sitio y establecimento pa mira si tur ta cumpli cu e medida- y protocolnan di COVID-19. Den careda di 4’or di atardi nan a pasa band’i veld di Flatstone na momento cu tabatin un wega di softball tumando luga.
E team di DVG a mira publico eynan. Esaki a resulta den varios infraccion di e protocolnan imponi pa Gobierno y DVG. Di biaha nan a pidi asistencia policial p’e supuesto aglomeracion. Na yegada di e patruya policial a haya sa cu net e ora ey e wega a caba y hende a cuminsa bandona e sitio.
A sigui informa polis cu lo bay tin un training, pero esey lo ta sin publico. Mirando cu no tabata tin infraccion mas tumando luga na e momento ey, e patruya policial a sigui su caminda.
