Despues di un exitoso prome edicion, Dutch Caribbean Nature Alliance (DCNA) a lansa e di dos edicion di BioNews Kids. BioNews Kids ta un revista di naturalesa imprimi y online gratis pa mucha di 9 pa 11 aña n’e seis islanan di Caribe Hulandes. E ta diseña pa stimula lectura, lanta curiosidad y pa informa mucha tocante e naturalesa extraordinario di e seis islanan di Caribe Hulandes, incluyendo e menasa di esaki.
Esaki pa sostene e programanan di educacion tocante naturalesa di e organisacionnan di maneho di area proteha na Aruba, Boneiro, Corsou, Saba, Sint Eustatius y Sint Maarten. Ta distribui alrededor di 17.500 copia imprimi na Ingles, Papiamentu, Papiamento y Hulandes na e muchanan di e islanan di Caribe Hulandes..
Apoyo na educacion di naturalesa y conscientisacion publico
E mision di Dutch Caribbean Nature Alliance (DCNA) ta pa apoya e Organisacionnan di Maneho di Area Proteha (parke) n’e seis islanan di Caribe Hulandes. Un di e metanan di DCNA ta pa promove educacion di naturalesa y conscientisacino publico. P’esey a crea na aña 2022 e prome edicion di BioNews Kids, un rama di BioNews, cual ta pa adulto. BioNews ta un boletin digital mensual gratis cu ta brinda actualisacion tocante e ultimo noticianan di naturalesa cu un enfoke riba investigacion y monitoreo, evento y actividad general relaciona cu e miembronan di DCNA.
Revista multilingual di naturalesa pa mucha
Bionews Kids ta un revista gratis obtenibel na Ingles, Papiamentu, Papiamento y Hulandes pa hoben di 9 pa 11 aña na Aruba, Boneiro, Corsou, Saba, St. Eustatius y St. Maarten. E revista ta disponibel a travez di e programanan di educacion di naturalesa di e Organisacionnan di Maneho di Area Proteha (parke). E meta di BioNews Kids ta pa promove lectura n’e islanan cu un revista cu ta aplicabel n’e experiencianan di e muchanan n’e islanan aki cu naturalesa cu nan por haya den nan mes cura patras di cas.
Tema: Terestrico
E tema principal di e di dos edicion di BioNews Kids ta medio ambiente terestrico. Entre otro e muchanan por lesa tocante e flamingo Caribense y e parha tropical pik cora, entre otro y conoce e raton di anochi Barry. E revista tambe ta contene actividad manera pintura pa kleur, puzzel y un actividad di obra di man. Ademas di e actividadnan aki, e lectornan por cuminsa compronde palabra relaciona cu naturalesa y por uza potret di identidad di bestia di tera.
Tuma contacto cu oficial di educacion di bo organisacion local di parke n’e respectivo isla pa haya un version imprimi di BioNews Kids. Pa demas pregunta, por manda un e-mail na [email protected].
BioNews y BioNews Kids ta conta cu e generoso patrocinio di Loteria Nacional di Codigo Postal y ta produci pa DCNA.
