Diasabra, algo pasa di mey anochi, polis a bay na un adres na Monserat, caminda cu un drone a cay riba un auto. Eynan nan a bin topa cu e drone benta banda die auto. Doño di e auto a splica cu el a scucha un zonido pafo y ora cu el a bay wak, el a haya e drone benta bnda di su auto.
Polis a confisca esaki di biaha. Un rato despues doño die drone a yama polis. Nan a bay na un adres na Palm Beach unda cu e doño di e aparato ta biba. Aki a splik’e cu na e oranan laat ey no por bula un drone, mirando cu e ta peligroso, pasobra si e cay, e por causa daño na un hende of na auto. E doño a compronde y tur cos a trankilisa.
