Dia 14 di december 2020, Sr. Oduber a defende su scriptie como un novum. E titulo di e disertacion ta “The Impact of Selected Natural Factors on Tourism Demand- The Case of a Small Island Destination”.
Den un entrevista amplio cu Oduber e ta splica detayenan di su investigacion, con el a yega riba e tema y kico e ta bay haci den futuro.
Den e estudio a investiga e relacion entre diferente factor natural cu tin efecto riba un isla turistico. E estudio a enfoca principalmente ariba factornan di clima (termino corto y largo), salud (dengue) y vegetacion.
Den corto, e estudio a studia e oscillacion di demanda turistico di Aruba en relacion di clima di e pais di unda e turista ta bin (por ehemplo Merca),y na Aruba.
Den e estudio di dengue y vegetacion a studia e movecion bi-direccional entre turismo y dengue y vegetacion. Den estudio a haci uzo di formulanan econometrico/matematica avansa pa analisa e relacion.
Mirando cu a constata cu tin masha poco estudio haci na Aruba, dr. Oduber tin pensa pa profundisa su mes riba mas investigacion cu lo yuda e isla crea manehonan pa futuro.
