Den un rueda di prensa cu a tuma luga awe mainta den cual DOW a adresa e situacion confuso cu tin andando cu e planta di Bubali plas, a toca e tema di e contaminacion di awa. Ta asina cu varios persona a trece pa dilanti e ultimo dianan aki cu e awanan di nos lama ta contamina mediante e awa cu ta procedente di Bubali plas. Sinembargo, ir. Marlon Croes, director di DOW, a clarifica esaki splicando cu mas cu claro nan tin un protocol na luga prome cu habri e ‘sluis’ pa deposita e awa den lama. Un sistema di ‘checks and balances’ mane nan ta yam’e.
Cu esaki ta confia plentamente cu Bubali plas ta haci su trabou como e di cuater ‘stage’ den e proceso di purificacion di awa. Tambe a splica cu e cooperacion entre e diferente instancianan concerni ta aporta na esaki. E departamento di DVG ta realisa un midimento di e awa aki mensualmente, segun Croes a splica y tur e testnan aki ta saliendo bon den e ultimo añanan.
Siman pasa diabierna, despues di cu un noticia cu e awanan ta contamina a sali na cla, a reuni dibiaha cu DVG y asina a dicidi pa coy un ‘monster’, esta un ehemplar di e awa, pa 11:30 pm. Despues di esaki, diasabra e instancianan di DOW, DNM, DVG y cu Parke a sinta pa asina palabra un plan di accion pa midi y controla e calidad di awa cu a bay lama. E resultadonan cu a drenta dialuna y diamars, tur ta dentro di e normanan.
Pa un relato mas amplio lesa edicion di TREMPAN mañan.
