Tabata algun minuut despues di 12’or di marduga cu alarma di Modern Electronics situa den Caya Betico Croes a activa. Mesora e compania di alarma a presenta, a gara dos homber ta sali for di e negoshi na careda, a purba core nan tras pero sin resultado. A kibra y drenta via porta dilanti.
E vitrina y e porta di glas a ricibi basta daño. No ta conoci ainda cu cuanto articulo a bay cun’e. Si a haya varios speaker, holoshi y laptop benta pafo di e negoshi.
Segun e security guard, ta trata aki di dos homber cu a papia spaño. Un di nan tabata bisti cu jacket preto y cu carson blauw. Nan a core bay direccion panort.
Polis a busca den e area pero no a encontra cu e malechornan aki cu ta practica “economia facil”.
