Dialuna anochi a sosode un atraco riba dos mucha muhe, kendenan tabata cana na altura di Torino Sports Bar & Grill na Tanki Leendert. Aki dos homber cu arma blanco den man a pone esaki na nan garganta y a bay cu tur nan pertenencianan.
Despues di esaki e dos mucha muhenan a cana te na un cas na Tanki Flip caminda nan a bati alarma. A pone Atracoteam y Slachtofferhulp na altura di e sosodido.
Pa Cuerpo Policial por resolve mas caso, cooperacion y informacion di pueblo di Aruba ta hopi importante p’esey nan ta pidi si bo tin cualkier informacion pa yama nan tiplijn: 11141. Cuerpo Policial ta garantisa cu bo ta keda anonimo.
