Polis a tene un control diasabra pa mas o menos 8:35pm den Koningstraat. E ekipo conoci como “Flex Team” di Polis a topa dos homber cu a mustra sospechoso. Ora a listra nan a haya droga den nan posecion. A detene ambos homber y a hiba nan Warda di Polis pa presenta dilanti Fiscal Auxiliar.
Flex Team ta un ekipo special cu ta tene controlnan sporadico na luganan y den areanan specifico unda regularmente sa tin casonan sospechoso andando. Ta enfoca specialmente den area di clubnan nocturno, barnan of barionan di problema. Ta topa nan den grupo di Polis, pa por atende cualkier situacion masha lihe.
