Den careda di 5or di atardi diasabra, patruya di Noord pasando banda di Lings Restaurant a topa cu un accidente. Mesora polis a bay chek kiko exactamente a sosode.
E Yaris cora tabata bayendo direccion nort y na dado momento e chauffeur cu e Chevrolet Epica shinishi a sali for di Lings Restaurant y no a paga tino cu e Yaris cora ta biniendo for di zuid. E Yaris a baha caminda y bay dal den e steun di palo di lus. Ningun hende a resulta herida. Daño material ta considerabel.