Pa prome biaha e Confederacion di NORECA ta organisa un Campeonato Internacional di Beach Volleyball pa e hobennan bao 23 aña. Pa Aruba e hobennan Eddy Toro y Joshua Winklaar lo competi na e campeonato aki. E teamnan hoben di Norte America, Latin America y Caribe lo ta competiendo contra otro for di dia 27 te cu 30 di october 2022 na Grand Cayman Island.
Ta un oportunidad grandi pa e atletanan di Aruba, e duo Eddy y Joshua, por competi den e categoria di nan edad y demostra nan habilidad pa e deporte di beach volleyball. Den e preparacion di e atletanan cual ta bao di guia di coach Robles de Medina, e atletanan a demostra nan determinacion pa competi na e torneo internacional aki y representa Aruba.
Aruba Volleyball Association (A.V.A.) ta gradici Gerencia di Colegio EPI cu a duna su cooperacion pa e atleta/studiantenan por competi na e torneo aki y tambe un danki na A.T.A pa e bunita T-shirtnan pa e atletanan.
Directiva di Aruba Volleyball Association ta desea e atletanan y coach hopi exito. A.V.A. ta convenci cu e Team di Aruba lo por duna bon competencia na e otro paisnan participante.
