Diamars atardi, den careda di 3:00 pm, polis a presenta den un di e cayanan riba Schelpstraat p’un caso di hortamento.
Un doño a regresa na su pickup Nissan blanco dobel cabina y a haya e hood habri. Di biaha el a bay controla y a ripara cu ladron a bay cu bateria. Tambe a corta diferente waya.
E doño a yama polis di biaha pa informa riba e situacion. Recherche a presenta na e sitio pa tuma tur dato di loke a pasa. Tambe a notifica BFTO di loke a sosode.
