Camara di Representante di Merca a tene un votacion riba dos articulo di e huicio politico contra Donald Trump. E democractanan ta acusa e presidente republicano di abuso di poder y obstruccion di e Congreso.
E articulo riba abuso di poder a ricibi apoyo di 230 miembro di e Camara, mientras cu 197 a mustra nan rechaso. Di su parti, e artculo riba obstruccion na e Congreso a wordo respalda pa 229 legislador frente 198 voto en contra.
Durante e debate, e presidente di e Camara, Nacy Pelosi, a exigi pa Trump wordo destitui y a sigur cu Trump a viola e Constitucion y no a dun’e otro opcion.
“Si nos no actua awo, nos lo ta negligente den nos deber. Ta tragico cu e accionnan imprudente di e presidente ta haci cu ta necesario un huicio politico,” el a afirma.
Votacion den Senado
E decision tambe mester ta ratifica pa Senado, aunke esaki ta considera poco probable debi cu e republicanonan ta controla e mayor parti di e stoelnan den e Camara Alta di e Congreso.
Pa destitui Trump, e democratanan mester haya apoyo no solamente di e mayoria simpel den e Senado, sino di dos tercio di su miembronan (67 persona). Actualmente e republicanonan ta conta cu 53 voto di e 100, contra e 47 di e democratanan.
Por lo tanto, por lo menos 20 representante di e partido di e presidente mester vota na fabor di e “impeachment”, aunke te na e momentonan aki ningun di nan a expresa nan intencion pa haci esaki.
Mi no a haci nada
Faltando algun ora di e debate, e mandatario Mericano a rechasa e huicio politico den su contra, afirmando cu e proceso di su destitucion ta coordina pa “e izquierda radical” y cu e no a comete ningun delito pa cual e por ta sanciona.
“Boso por kere cu awe mi lo wordo acusa pa e izqierda radical (y) e democratanan cu no ta haci nada? Ami no a haci nada!”, e presidente a skirbi riba su cuenta di Twitter.
