Rond di 7or awe mainta ta sosode un accident basta grandi na Mahuma. No tabatin herido.
Na e ora menciona un auto coriendo riba e caminda Mahuma _ Sabana Grandi na altura di Yucuri Valley a a accidenta. E hoben manehando e auto a perde control di stuur na momento cu maribomba a drenta auto y el a cuminsa bringa cune.
Door di esaki e auto a bay banda robez di caminda y dal den un palo di luz di hoogspanning. A consecuencia di esaki en total tres palo di coriente di hoogspanning a sufri daño.
Wayanan a keda plama riba caminda. E consecuencia ta cu e caminda lo keda sera pa trafico te atardi.
