Diahuebs atardi alrededor di 5:30 pm polis a presenta na Stadion Guillermo Prospero Trinidad p’un pelea. Ta un pelea di hende muhe, pa via di cortament’i orea. Ta trata di un pareha casa, e hende muhe a topa su pareha riba veld cu un otro damita. Ey tur cos a cuminsa, a start un confrontacion cu a termina na rancament’i cabey.
Cos a bay asina leu cu dos unidad di polis a presenta pa atende cu e problema aki. Tin cu subraya cu basta sla a cay na sitio, un di e hende muhenan a ricibi basta golpi na cara.
A nota su cara hopi rasca y hincha. Polis a tuma tur informacion necesario y a cuminsa cu un buskeda pa e agresor den e area, pero na final no a topa cu ne. No tabata necesario pa ambulance presenta na sitio pa brinda atencion medico n’e victima.
