Vi Frank t’un escritor local kende ta duna curso di skirbi storia na Biblioteca Nacional Aruba. Cada biaha cu e termina un curso, e ta pidi tur e cursistanan pa entrega nan material pa cual ta compila tur y produci un buki como gesto final. Na aña 2021 a hacie caba pa cual a termina cu e buki titula “Maraca”.
Tambe Frank ta pidi e cursista pa entrega un posibel titulo pa e buki. Di un forma anonimo, ta vota pa e miho nomber y esey lo bira titulo di e buki. E biaha aki e buki ta carga e nomber di “E Halado”, cual tabata idea di Ida Croes.
E buki ta conta cu mas di dos shen pagina, mas cu e prome edicion y esaki ta debi cu e biaha aki tabatin mas cursista. Ora di vota, ningun hende sa ken a manda cua nomber pa e titulo. E buki ta conta cu pintura tambe den dje.
Riba e anochi di 23 di december, a lansa e buki entre e cursistanan. E no ta e version final, ta simplemente un concepto. Cada cursista a ricibi un copia y individualmente lo revis’e y saca fout for di dje, despues di corigie, lo sigui cu e proceso final pa imprenta. Ta premira cu entre un of dos luna e buki lo ta riba mercado.
Como diescinco persona a participa e biaha aki. Entre nan, algun cu a yeg’i skirbi y otro no. E regla cu Vi Frank ta uza ta: “there are no rules”, hacie na bo manera, claro cu guia di Vi lo sa di trece un bunita storia.
