Ya ta tres aña caba cu Sindicato di Trahadornan di Aruba (STA) a entrega Gerencia di Costa Linda Beach Resort un contracto colectivo.
Diego de Cuba, lider di STA a bisa cu muy probablemente un accion lo ta inevitabel. Con por ta posibel cu ainda, tres aña despues di a entrega e contracto colectivo, cu ainda no a haya un contesta riba esaki. Nunca nan a sinta negocia cu STA riba e contracto colectivo aki.
STA a reuni tambe cu mediador di Gobierno riba esaki pero nan ta sinti cu e compania no ta dispuesto pa negocia un contracto colectivo nobo, p’e departamentonan cu nan ta representa den e compania. De Cuba a sigui bisa cu nan tin esaki pendiente. Nan a remodifica e contracto colectivo cu nan a presenta tres aña pasa y ta spera di por cuminsa e negociacionnan.
Ta spera cu por cuminsa cu e negociacionnan prome cu aña caba, pero sikiera pa nan tin un punto di salida na comienso di aña 2023. Asina Diego de Cuba, di STA, a finalisa bisando.
