Ora cu bo bay participa den un economia global, bo tin chens di perde bo mes. Bo tin chens di perde bo identidad ken bo ta. Turista bin aki y ta bisa cu nos tin Mc Donalds, nos tin KFC, kico Aruba ta diferente. E parti cultural mester sostene e parti di innovacion cu bo kier bay competi den un economia global.
Loke a traduci ta, kico ta activa ora cu bisa cu kier bin cu un desaroyo di innovacion. Si wak nos historia, San Nicolas ta un conglomeracion, loke nan ta yama un polo di crecemento y e activador tabata e refineria.
Na Noord, e crecemento di Noord, e activador ta e hotelnan. Oranjestad, inicialmente tabata e waf, cu e centro di gobernacion. A base di esey ta crece. Si nos kier bin algo manera innovacion y cultura, cual ta e activadornan cu tin cu cuminsa cun’e.
Prome cos cu ta bay cuminsa cun’e, ta pa haci IPA un fundeshi pa Universidad di San Nicolas cu tin un centro di conocemento cu lectorado. Pa haci’e simpel, e centro di conocemento loke mester bay haci, ta bay haci investigacion y bin cu solucionnan innovativo pa problemanan cu tin den e comunidad di Aruba.
Ban bisa cu nos tin problema di malesanan, cu ta surgi door di estilo di bida (life style), e ora un di e lectoradonan ey mester bay profundisa su mes, trece diferente actividad of institucionnan existente hunto pa e ora nan bin cu solucionnan innovativo.
Por ehempel AZV, Wit Gele Kruis, nan ta bin bao di e lectorado cu ta haci e investigacion y e tarea ta cu dentro di un tempo cortico mester bin cu un proposicion y bisa, cu esaki no solamente ta soluciona e problema di Aruba, pero por bay cun’e internacional cun’e, y bisa cu esaki ta “made in Aruba.”
E cuchiu ta corta dos banda. Di un banda bo ta soluciona e problema di e comunidad di Aruba y di otro banda bo ta crea un producto cu bo por exporta. Esey bo ta haci door di bin cu un universidad na San Nicolas cu ta dirigi riba innovacion.
E di dos parti cu a bisa cu cultura ta importante, e identidad di nos comunidad, cual ta e activador cu ta cuminsa crea e multiplyer effect. E ora ta fiha riba e muraya.
Dicon
A bin resulta cu tras di e muraya, a bin resulta cu no ta di refineria, sino di gobierno di Aruba. Loke kier ta desaroy’e pa e ferry bin, dos, pa e bira un waterfront, cu e pueblo di San Nicolas tin, mescos cu ora cu bay p’abao, unda cu Bushiri tabata, hende pasa wak con bunita e paisahe ta di nos isla, ora bo tin e conexion cu lama, esey kier pa sosode awor aki ora cu basha un muraya abao.
Di tres, loke e ta bay tree cun’e ta, cu e ta crea e fluho. E fluho si tur cos bay bon, e calculacion di e rapport di ferry ta bisa cu ta haya 800 hende, pasobra e ta bira un ferry cu ta bay tres biaha pa dia, Aruba, Boneiro y Corsou. Esey ta e activador cu lo trece e fluho necesario na San Nicolas. Pero for di punto di bista di cultura. E ora lo tin museo, diferente actividad. Loke a haci basicamente, no ta nada nobo. Loke a haci ta conecta pensamento y actividadnan existente na Aruba, pero hinca nan hunto pa crea un sinergia.
